МУ-ын шилдгийн шилдэг уралдаанч Х.Содномдорж: Дүнжингаравтаа хариуцлагатай уралдана даа

2015 оны МУ-ын шилдгийн шилдэг уралдаанч Х.Содномдоржийн баярын сэтгэгдлийг уншигч танаа хүргэж байна.
-Монгол Улсын шилдгийн шилдэг уралдаанчид баяр хүргэе.
-Баярлалаа. Улс, бүсийн уралдаанаас гурван түрүү, 10 айраг хүртсэн амжилтаар шилдгийн шилдэг уралдаанч болсон. Хавар Дүнжингаравын хурдад Даш-Өлзийн гуайн сартай зээрд азаргыг түрүүлгээд тэрнээс хойш  хоёр түрүү, арван айраг авсан.
-Улсын баяр наадам, хангайн бүс, ММСУХ-ны 20 жилийн ой гээд өнөө зун олон уралдсан байх шүү?
-Улсын баяр наадамд хоёр айраг. Тэрний дараа Булган аймагт болсон хангайн бүсийн уралдаанаас хоёр түрүү, нэг айраг хүртсэн. ММСУХ-ны 20 жилийн ойд эрлийз дунд насны ангилалд зээр үрээ аман хүзүүдүүлсэн.
-Содномдорж ирээдүйд ямар мэргэжилтэй хүн болохыг хүсдэг вэ?
-Морь уяна л гэж боддог доо.
-Улсын шилдэг уралдаанчаар шалгараад төрийн ордонд шагналаа гардаж авах сайхан байв уу?
-Сайхан байлгүй яахав. Наадмаараа морио айрагдуулчихаад төрийн тэргүүнээсээ шагнал авах бас их сайхан санагддаг.
-2016 оны уралдаанууд эхэлж байна. Бэлтгэл базааж байна уу?
-Тиймээ, Дүнжингаравтаа хариуцлагатай уралдана гэж бодож байгаа.
-Амжилт хүсье. Ярилцсанд баярлалаа.
-Баярлалаа.
Б.Эрдэнэсүрэн